Փարիզի
Գարնիե (նախկինում՝ Գրանդ օպերա) պետական օպերային թատրոնը աշխարհի
ամենանշանավոր օպերային թատրոններից մեկն է: Հիմնադրել են կոմպոզիտոր Ռ.
Կամբերը և բանաստեղծ Պ.Պերենը:Բացվել է 1671թ-ին՝ որպես «Երաժշտության
թագավորական ակադեմիա»: Հետագայում մի քանի անգամ անվանափոխվել է: 1875թ-ին
կառուցվել է 2130 տեղով նոր շենք, որի ճարտարապետն էր Շառլ Գարնիեն: 18-րդ
դարում թատրոնի գործունեությունը կապված էր ազգային
օպերայի երկու ժանրերի՝ լիրիկական ողբերգության և օպերա-բալետի հետ:
Օպերայի կարմիր դահլիճը կառուցված է իտալական ոճով: Յուրահատուկ
գեղեցկությամբ է կառուցված նաև մեծ սպասասրահը, որտեղ հայելիների ու
ապակիների «խաղը» վիզուալ առումով ընդարձակ տեսք է տալիս սրահին: Հենց
այդտեղ է դրված կառույցի ճարտարապետ Շ. Գարնիեի կիսանդրին: Աչքի ընկնող են
նաև նախասրահից դեպի երկու կողմերը ձգվող մարմարե աստիճանները: Օպերային
թատրոնի շենքում գտնվող գրադարան-թանգարանը, որը պատկանում է Ֆրանսիայի
ազգային գրադարանին, պահպանում է թատրոնի երեքդարյա անցյալը: Թանգարանի
սրահներում ամբողջ տարվա ընթացքում կազմակերպվում են թեմատիկ
ցուցահանդեսներ՝ ի հավելումն սրահում գտնվող կտավների մշտական
ցուցադրությանը:
No comments:
Post a Comment