Պարթենոնի տաճար

Պարթենոնի տաճարը Աթենքի Ակրոպոլիսում, մ.թ.ա. 447-438 թթ, ճարտարապետներ՝ Իկտինոս և Կալիկրատես: Նվիրված է Աթենքի հովանավոր աստվածուհի, Զևսի դուստր Աթենաս-Պալլասին: Տաճարի պատերը զարդարված են պատկերաքանդակներով, որոնց հիմքում հայտնի առասպելներն են` աստվածների և տիտանների պայքարը, Տրոյայի գրավումը, կենտավրոսների և հերոսների գոտեմարտը: Թուրքերի տիրապետության ժամանակ Պարթենոնը վերածվել է վառոդի պահեստի (XIV դար), ապա՝ մզկիթի: 1835–36 թթ-ին տաճարը վերակառուցվել է և ստացել ներկայիս տեսքը: XIX դարի սկզբին Պարթենոնի շատ քանդակներ տարվել են Մեծ Բրիտանիա և գտնվում են Լոնդոնի Բրիտանական թանգարանում: Իր չափերի (69,9 x 30,9 մ), դիրքի և կառուցիկ հատկանիշների շնորհիվ տաճարն իշխող է ոչ միայն Ակրոպոլիսի համակառույցի, այլև ողջ Աթենքի համայնապատկերի վրա: