Մամբո` Կուբայի ազգային պարերից մեկը (նաև երաժշտական ոճ), որը մեծ տարածում է գտել նաև Լատինական Ամերիկայի մյուս երկրներում և ԱՄՆ-ում: «Մամբո» բառը (ոչ պաշտոնական թարգմանությամբ՝ «զրույց աստվածների հետ») ծագել է Կոնգոյի շրջանում, պատերազմի աստծո անունից, որի պատվին կուբացիները հինավուրց ժամանակներում հատուկ պար էին ստեղծել:
Մամբոյի ներկայիս ձևն առաջացել է 1940-ական թվականներին` աֆրո-կուբայական ու ջազային ռիթմերի խառնուրդի արդյունքում: Մամբոյի երաժշտությունը շատ գրավիչ է, աչքի է ընկնում հստակ ռիթմով: Սկզբնական շրջանում այն գրեթե նույնանում էր ռումբայի հետ, միայն առանձնանում էր ավելի դանդաղ վերջաբանով, այն է՝ 4 հարված 4/4 ռիթմով: Այնուհետև մամբոն ստացավ 2/4 ռիթմը` համապատասխանաբար երկարացնելով երկրորդ ու չորրորդ հարվածը: Պարահանդեսների ժամանակ հիմնական ուժը դրվում է երկրորդ հարվածի մեջ:
Մամբոն կուբայական պարերից առաջինն էր, որ մեծ տարածում գտավ Եվրոպայում և Հյուսիսային Ամերիկայում, մասնավորապես` 20-30-ական թթ. Ամերիկայի Միացյալ Նահանգներում:
No comments:
Post a Comment