Վիեննայի ամենանշանավոր ճարտարապետական կառույցներից մեկը՝ Հոֆբուրգ պալատական համալիրը հանդիսացել է Վիեննայում Հաբսբուրգների արքայատոհմի նստավայրը: Ներկայումս այստեղ գտնվում են մի քանի թանգարաններ, որոնցից գլխավորը «Հաբսբուրգների գանձարանն» է, որտեղ գտնվում է Սրբազան Հռոմեական կայսրության կայսերական թագը, կայսերական սուրն ու միապետական իշխանության այլ մասունքներ: Այն հադիսանում է Վիեննայի ամենահետաքրքիր տեսարժան վայրերից մեկը,
որն ապրել է վերակառուցման ու վերականգնման մի շարք փուլեր, բայց մինչ մեր օրեր է հասցրել փառահեղ գեղեցկությունն ու ոճերի զարմանալի համադրությունը: Այն մի հսկայական պալատական համալիր է, որը միավորում է ամենատարբեր կառույցներ, որոնց կառուցման տարեթվերը միմյանցից բաժանվում են մի քանի հարուրամյակներով:
Մասնավորապես Կառլոս VI օրոք Հոֆբուրգը զգալիորեն ընդարձակվել է, իսկ ճարտարապետները ջանք չեն խնայել նոր կառույցներին թե՛ արտաքին, թե՛ ներքին շքեղ տեսքն ապահովելու համար՝ զարդարելով դրանք բազմաթիվ քանդակներով:
Համալիրի տարածքը բաժանված է 19 պալատի, որտեղ կառուցվել են 18 մասնաշենքեր:
Համալիրի գլխավոր կառույցներից մեկը, որը հանդիսանում է Վիեննայի խորհրդանիշներից մեկը, անվանվում է
«Նոր պալատ»: Այդ շինությունը կառուցվել է 18-րդ դարում, ժամանակաշրջան, երբ պալատն եռանդուն կերպով ընդարձակվում էր: Հենց այս կառույցի պատշգամբից է 1838թ. Ադլոֆ Հիտլերը հայտարարում այն մասին, որ Ավստրիան մտնում է
Գերմանիայի կազմի մեջ:
Նոր պալատի անմիջապես դիմացը գտնվում է «հերոսների հրապարակը», որի կենտրոնական մասում գտնվում է ավստրիացի նշանավոր գնդապետ Եվգենի Սավոյսկիի արձանը: Նոր պալատում են գտնվում երկու թանգարաններ, որոնցից մեկը նվիրված է արվեստին, մյուսը ներկայացնում է բնական գիտություններ:
Հանդիսավոր Շվեյցարական դարպասները տանում են դեպի Ին-դեր-Բուրգ ներքին հրապարակ, որտեղ կազմակերպվել են մրցույթներ ու անցկացվել են զինվորական շքերթներ ու հանրային դատավարություններ: Հրապարակի կենտրոնում կանգնած է Ֆրանց I կայսերը նվիրված հուշարձան, իսկ հրապարակը շրջապատում են Ամալենբուրգը, Պետական դիվանատունը եւ Լեոպոլդովյան մասնաշենքը:
Հին Հոֆբուրգի ներքին կողմում գտնվում է Յոզեֆի հրապարակը՝ Յոզեֆպլատցը: Այստեղ գտնվում են Ազգային գրադարանն ու Շտալբուրգ պալատը, որտեղ տեղակայված է ձիավարության Իսպանական դպրոցը
Նոր Հոֆբուրգը կառուցվել է Առաջին համաշխարհային պատերազմի նախաշեմին, երբ Ավստրիական կայսրությունն ապրում էր իր վերջին օրերը:
Ալբերտինա պալատում, որը կառուցվել է 1781թ., ներկայումս գտնվում են եվրոպական գրաֆիկական արվեստի հավաքածուները: Պալավիչինների պալատում ընթանում է Սալվադոր Դալիի նկարների ցուցադրությունը: Պալատը նշանավոր է նաև նրանով, որ ժամանակին այստեղ է ելույթ ունեցել Վոլֆգանգ Ամադեուս Մոցարտը:
Սուրբ Ավգուստինի եկեղեցին, որը կառուցվել է XIV դարում, եղել է պալատական մատուռ եւ հանդիսանում է
պատմական մի շարք իրադարձությունների վկան: Այստեղ պահվում են Հաբսբուրգների արքայատոհմի մի քանի կառավարիչների սրտերը:
Պալատի ամենանշանավոր հատվածներից մեկը՝ գանձարանը բաժանված է երկու մասի՝ աշխարհիկ եւ հոգևոր: Առաջինում գտնվում են միապետական իշխանության մասունքները, զարդեր ու թագավորների ու կայսրերի անձնական իրեր, իսկ երկրորդում՝ քրիստոնեական մասունքներ ու սրբերի անձնական իրեր: Այստեղ է պահվում Կառլոս Մեծի ու Սրբազան Հռոմեական կայսրության թագը, որը պատրաստվել է դեռևս 10-րդ դարում: Հետաքրքրականն այն է, որ Կառլոս Մեծն այն չի կրել: Թագն անվանվել է ի պատիվ նրա, քանի որ վերջինս եղել է Արևմուտքի առաջին կայսրը, որին թագադրել է անձամբ Հռոմի Լևոն lll պապը:
Այստեղ է պահվում նաև Ավստրիական միապետության եւ սրբազան Հռոմեական կայսրության խորհրդանիշներից ևս մեկը՝ «կայսերական սուրը», քանի որ թագադրման արարողությունը ենթադրում էր ոչ միայն թագը թագավորի գլխին դնելու կարգը՝ ի նշան աշխարհիկ իշխանության, այլ նաև՝ սուրը նրան շնորհելը՝ ի նշան նրա, որ կայսրը հանդիսանում էր նաև զորքերի հրամնատարը:
Շվեյցարական բակի ու Ամալիենբուրգի միջև գտնվում է Լեոպոլդական ուղին, որտեղ գտնվում է Ավստրիայի ներկայիս նախագահական նստավայրը: Նախկինում դրա ստորգետնյա տարածքներում եղել են գինու հսկայական ամբարներ: Այստեղ է գտնվում նաև կայսրուհի Սիսիի թանգարանը, որը հայտնի էր նրանով, որ մեծապես գնահատում էր
սպորտն ու առողջ ապրելակերպը:
 |
| Ավստրիայի ազգային գրադարանը |
Պալատի ամենանշանավոր հատվածներից է Ազգային գրադարանը, որն ապշեցնում է իր հարստությամբ ու ներկայացնում պատմության միջով մի իսկական ճամփորդություն: Այստեղ պահպանվում են այնպիսի եզակի նմուշներ, ինչպիսին է Գուտենբերգի 1455թ. Աստվածաշունչը: Հատկանշական է, որ գրադարանի ճարտարապետական լուծումն սկզբնական շրջանում թույլ էր տալիս ենթադրել, որ այստեղ մուտքի իրավունք են ունեցել միայն ընտրյալները, քանի որ գրադարան մուտքը եղել է միայն Շվեյցարական բակի կողմից:
 |
| Բնական գիտությունների թանգարանը |
Սակայն հետագայում գրադարանն ընդլայնել են ու ավելացրել շքամուտք: Գրադարանի կողքին գտնվող Յոզեֆպլատցը կառուցվել է Մարի Թերեզա կայսրուհու օրոք, որի հրամանով կառուցվել է նաև պալատական թատրոն:
No comments:
Post a Comment